Wednesday, May 2, 2012

മീന്‍ഗുണബജാലം

എന്താണ് മീന്‍ഗുണബജാലം? എന്താണിതിന്റെ ഗുണം? ഇതെങ്ങനെയാണ് തയ്യാറാക്കുന്നത്?


തമിഴ്‌നാട്ടില്‍ കന്യാകുമാരി ജില്ലയിലെ ചില കര്‍ഷകര്‍ തയ്യാറാക്കുന്ന പരമ്പരാഗത സസ്യവളര്‍ച്ചാ ഹോര്‍മോണ്‍ ആണ് 'മീന്‍ഗുണബജാലം'. നെല്ല്, മുളക്, റോസാച്ചെടി എന്നിവയുടെ കീടനിയന്ത്രണത്തിനും വളര്‍ച്ചാ വര്‍ധനവിനും അവര്‍ ഇതുപയോഗിക്കുന്നു. ഇത് അവര്‍ തയ്യാറാക്കുന്നതിങ്ങനെ: നല്ല മീന്‍ വൃത്തിയാക്കുമ്പോള്‍ കിട്ടുന്ന ചെതുമ്പലും ചെകിളയും തലയും ഉള്‍പ്പെടെയുള്ള അവശിഷ്ടങ്ങള്‍ - 1 കിലോ, ശര്‍ക്കര 1 കിലോ, രണ്ടും കൂടെ നന്നായിളക്കി 10 ലിറ്റര്‍ വെള്ളത്തില്‍ പ്ലാസ്റ്റിക് ഡ്രമ്മില്‍ ഇട്ടുവെക്കും. 3-4 ദിവസം ഇത് നന്നായി ഇളക്കും. ഡ്രം തണലത്താണ് വെക്കുക. 16 ദിവസം കഴിയുമ്പോള്‍ മിശ്രിതം അരിച്ച് ഒരു ലിറ്റര്‍ ലായനി 100 ലിറ്റര്‍ വെള്ളത്തില്‍ നേര്‍പ്പിച്ചെടുത്താല്‍ ഒരേക്കറില്‍ തളിക്കാന്‍ മതിയാകും. അതിരാവിലെയോ വൈകുന്നേരമോ ആണ് തളി. ഒരേക്കറില്‍ കീടനിയന്ത്രണത്തിനും മറ്റും സാധാരണ 2,000 രൂപ വരെ ചെലവാക്കുന്ന സ്ഥാനത്ത് വെറും 100 രൂപ മതി മത്സ്യഗുണബജാലം തയ്യാറാക്കാന്‍. പരിസ്ഥിതി മലിനീകരണമോ മനുഷ്യന് ദോഷമോ ഇല്ല.